Ikime cy'igitondo

Igitaramo cy’umuhanzi Patient Bizimana cyarabaye mu Burengerazuba Igitaramo cy’umuhanzi Patient Bizimana cyari kimaze igihe kirekire kitezwe n’abakunzi be batari bake by’umwihariko abatuye mu ntara y’I Burengerazuba cyashyize kiraba! Tubibutse ko iki gitaramo ku nshuro ya mbere cyari cyarashyizwe ku itariki ya 2/5/2010 ariko ntikibashe kuba kubera ko bamwe mu bahanzi bari bagitumiwemo barimo Gaby Irene Kamanzi na Aime Uwimana bari bitabiriye irushanwa rya Groove Award ryari ryabereye mu gihugu cya Kenya bituma iki gitaramo kimurirwa ku itariki ya 9/5/2010.

Kuri iyi tariki rero nibwo uyu muhanzi yashyize ahagaragara Album ye ya mbere yise “Ikime cy’igitondo” ikaba ari album iriho injyana zinyuranye kandi zikoze mu buhanga buhanitse. Uyu muhanzi rero akaba yari yabukereye kugira ngo ashimishe abakunzi be batari bake bari bakubise no hejuru buzuye urusengero rw’itorero rya Restoration Church Rubavu bakaba bakabakabaga abagera ku 4200.

Ibi rero bikanaba bigaragaza uburyo abakristo bo mu ntara y’I burengerazuba babasha gushyigikira abahanzi babo kandi n’uburyo berekana ko bakunda muzika. Abahanzi rero bari bitabiriye iki gitaramo barimo Gaby Irene Kamanzi, Aime Uwimana, Dominic Nic, Nelson Mucyo, Sheknah Worship Team, Drama Team y’iri torero, Teddy ndetse na Js Girls.

Iyi concert ikaba yaranzwe no kuramya ndetse no guhimbaza Imana ku buryo bukomeye bikaba byatumye abantu bumva ko muri launching z’abahanzi biba atari ukwishimisha gusa ahubwo ko bashobora no kuhahembukira cyane ko uyu muhanzi yari yanabitangaje mbere y’uko uyu munsi ugera. Mu gutangira concert akaba yabanjirije ku ndirimbo ye ikinzwe cyane ikaba ari na yo yitiriwe album ye “IKIME CY'IGITONDO.” Udushya twabonetse mu gitaramo 1. Abaje muri concert bose bari bafite udutambaro dusa bakoreshaga mu kuramya no guhimbaza.

 2. Ababyeyi ba Patient ndetse na Dominic Nic bari baje kwihera akajisho aho abahungu babo bakora iki igikorwa. 3. Abantu bakuze bitabiriye igitaramo ku buryo butangaje. 4. Urubyiruko rwari rwicajwe ukwarwo ndetse n'abantu bakuze bari bicajwe ukwabo! 5. Uburyo Patient yinjijwe kuri Stage. Babwiye Aime ngo ajye kumuzana maze afata telefoni aramuhamagara yanga kwitaba maze umuhanzi Dominic Nic atanga amadolari 60 kugira ngo Patient aze!(Bamuha Album).

Bongeye barahamagara maze haza Nelson Mucyo aho kugira ngo haze Patient!!Bakomeje guhamagara cyane maze Patient aba arinjiye ubwo Public iba itereye hejuru cyaneee! Yinjiriye mu njyana ya Jazz. 6. Uburyo abayobozi ndetse n'abakristo berekana uko bakunze umuhanzi n'igihangano cye. 7. Gutungurana kwa Drama team yafashije Aime na Gaby, kuko baje ku Gisenyi iyo drama team batari kumwe. 8. Gaby Irene Kamanzi akaba yasobanuye inkomoko y'indirimbo ye yise “Wowe Muremyi” ngo yaba yarayihimbiye ku kiyaga cya Kivu ubwo yari kumwe na Aime Uwimana! 9. Kuba Patient yabashije kuririmba indirimbo ze arimo kwicurangira Piano. 10. Abitabiriye igitaramo bagaragazaga ko bishimye mu gihe Patient yabaga arimo kuririmba mu buryo bwa Live!